தமிழர்களுக்கு எதிராக தென் ஆபிரிக்கா தீவிரமாக இயங்குகிறது: ஒபாமாவிற்கான தமிழர் அமைப்பு

by **Admin** Wed Feb 06, 2013 9:14 am

தமிழர்களுக்கு எதிராக தென் ஆபிரிக்கா தீவிரமாக இயங்குகிறது: ஒபாமாவிற்கான தமிழர் அமைப்பு

தென் ஆபிரிக்கா, தமிழர்களுக்கு எதிரான பல நடவடிக்கைகளை சிறிலங்காவுடன்
இணைந்து எடுத்து வருகின்றது என ஒபாமாவிற்கான தமிழர் அமைப்பு குற்றம்
சாட்டியுள்ளது.
குறிப்பாக சர்வதேச மட்டத்தில் சிறிலங்கா அரசு
எதிர்நோக்கி இருக்கும் பல்வேறு பிரச்சனைகளில் இருந்து காப்பாற்ற தீவிரமாக
செயற்பட்டு வருகிறது. இதற்கு நன்றிக் கடனாக சிறிலங்கா அரசு தென்
ஆபிரிக்காவிற்கு பல்வேறு முதலீடுகளை இலவசமாகவும் மிகக்குறைந்த விலையிலும்
கொடுத்து தன் உறவுகளை பலப்படுத்தி வருகின்றது.

தென் ஆபிரிக்கா அரசுக்கு நெருக்கமான பெரிய வியாபார நிறுவனங்களுக்கு பல
முதலீடுகளை சிறிலங்காவில் அமைப்பதற்கு சிறிலங்கா உதவுகிறது. உதாரணமாக
கிழக்கு மாகாணத்தில் இருக்கும் கல்குடாவில் 'சன் சிற்றி' என்ற தென்
ஆபிரிக்கா நிறுவனத்திற்கு பல மில்லியன் டொலர் பெறுமதியான முதலீட்டுக்கு
சிறிலங்கா அரசு உதவி வருகிறது.

மேலும் மலையகத்திலும் மற்றைய
இடங்ககளிலும் தென் ஆபிரிக்கா நிறுவனங்கள் முதலிட பெரும் உதவிகளை செய்கிறது.
சர்வதேச அரங்கில் சிறிலங்காவிற்கு பல்வேறு வகைகளில் உதவிவரும் தென்
ஆபிரிக்கா, ஜனாதிபதி ராஜபக்சா, கோத்தபாய ராஜபக்ச ஆகியோரை சர்வதேச
கொலைக்குற்றங்களில் இருந்து காப்பாற்ற பல்வேறு காய்களை நகர்த்தி வருகின்றது
என ஒபாமாவிற்கான தமிழர் அமைப்பு குற்றம் சாட்டியுள்ளது.

1.
முள்ளிவாக்கால் படுகொலை நடந்து ஒரு வாரத்திற்குள் தென் ஆபிரிக்கா ஐக்கிய
நாடுகள் சபையில் சிறிலங்காவின் இனப்படுகொலையை பாராட்டி ஒரு தீர்மானம்
கொண்டுவர முன்னின்று உழைத்தது.

2. கடந்த வருடம் (2012) மார்ச்
மாதம், தமிழினப்படுகொலைக்கு எதிராக அமெரிக்கா கொண்டு வந்த தீர்மானத்தை
முறையடிப்பதற்கு முழுமூச்சாக தென் ஆபிரிக்கா உழைத்தது. இதில் தென்
ஆபிரிக்காவின் முயற்சி கைகூடாவிட்டாலும் சில ஆபிரிக்கா நாடுகளை இந்த
தீர்மனத்திற்கு ஆதரவு தாரமல் தடுப்பதில் வெற்றிகண்டது.

3.
பொதுநலவாய மகாநாடு சிறிலங்காவில் இந்த வருடம் நடத்த வேண்டும் என்ற
முயற்சியில் தென் ஆபிரிக்கா வெற்றியடைந்துள்ளது. பல்வேறு நாடுகள்,
தமிழினப்படுகொலை காரணமாக இம்மாநாட்டினை சிறிலங்காவில் நடாத்த எதிர்ப்பு
தெரிவித்த போதிலும், தென் ஆபிரிக்காவின் முயற்சியால் சிறிலங்காவில்
நடைபெறுகின்றது.

4. றொல்வ் மேஜர் ((Roelf Meyer) என்ற வெள்ளை இன
தென் ஆபிரிக்கர் சிறிலங்காவிற்கு உதவுவதில் ஒருவர். முன்னாள் பாதுகாப்பு
அமைசச்சரான இவர், தற்போது பல்வேறு முதலீடுகளை சிறிலங்காவில் ஈடுபடுத்தி
உள்ளார். இவர் பல்வேறு தமிழ் இனவிரோத நடவடிக்கைகளையும், சிறிலங்கா அரசை
காப்பாற்றுவதிலும் மிக தீவிரமாக ஈடுபட்டு கொண்டு இருக்கிறார்.

இவர் சிறிலங்கா அரசின் பல அமைச்சர்களின் நெருங்கிய நண்பர் எனவும்
ஒபாமாவிற்கான தமிழர் அமைப்பு சாடுகின்றது. கோத்தபாய ராஜபக்ச உட்பட பல
போர்க்குற்றவாளிகள் தென் ஆபிரிக்கா அரசுடன் மிக நெருங்கிய தொடர்பை
பேணிவருவது மட்டுமன்றி, பல முறை அந்த நாட்டுக்கு இரகசியமக சென்று
வந்திருக்கின்றனர்.

நெல்சன் மன்டேலா ஓய்வு பெற்ற பின்னர் தென்
ஆபிரிக்கா, தமிழ் இன விரோத நடவடிக்கைகளிலும் சிறிலங்காவிற்கு ஆதரவான
நடவடிக்கைகளிலும் ஈடுபட்டு வருகின்றது எனவும் ஒபாமாவிற்கான தமிழர் அமைப்பு
குற்றம் சாட்டியுள்ளது.