தமிழ் தேசிய கூட்டமைப்பு உறுப்பினர் கலையரசன் வீட்டிற்குள் துப்பாக்கியுடன் பிரவேசிக்க முயன்றவர்கள் விரட்டியடிப்பு

by **Admin** Tue Sep 18, 2012 9:18 am

தமிழ் தேசிய கூட்டமைப்பு உறுப்பினர் கலையரசன் வீட்டிற்குள் துப்பாக்கியுடன் பிரவேசிக்க முயன்றவர்கள் விரட்டியடிப்பு

தமிழ் தேசியக் கூட்டமைப்பின் அம்பாறை மாவட்ட மாகாணசபை உறுப்பினர்
த.கலையரசன் வீட்டிற்கு நேற்று இரவு துப்பாக்கியுடன் இனம்தெரியாத இருவார்
உட்பிரவேசிக்க முயற்சித்தவர்களை பொதுமக்கள் விரட்டியடித்துள்ளனர்.

இதேவேளை தனது உயிருக்கு ஏதாவது ஆபத்து நேர்ந்தால் பொலிசாரே பொறுப்பு என த.கலையரசன் தெரிவித்தார்.

கலையரசன் நடந்து முடிந்த கிழக்கு மாகாண சபை தேர்தலில் தமிழ் தேசியக்
கூட்டமைப்பில் அம்பாறை மாவட்டத்தில் போட்டியிட்டு வெற்றிபெற்றுள்ளார்.

மாகாணசபை உறுப்பினராக தெரிவாகியுள்ள நாவிதன்வெளியைச் சேர்ந்த தவராஜா
கலையரசன் சம்பவதினமான இரவு 7.30 மணியளவில் வீடடில் இருந்துள்ளார்.

இதன்போது இருவர் மோட்டார் சைக்கிளில் துப்பாக்கியுடன் வீட்டின் முன் உள்ள வீதியல் சந்தேகத்துக்கிடமான முறையில் நடமாடியுள்ளனர்.

வீதியில் நின்ற பொதுமக்கள் இருவருக்கும் அருகில் சென்றவேளை அவர்கள் மோட்டார் சைக்கிளுடன் தப்பி ஓடியுள்ளனர்.

இவ் ஆயுததாரிகளை பொலிசாரும் பொதுமக்களும் பின் தொடர்ந்த போதும் அவர்கள் தலைமறைவாகியுள்ளனர்.

மாகாணசபை உறுப்பினராக தெரிவு செய்யப்பட்ட பின்னர் தொடர்ந்து விடப்பட்டுள்ள
கொலை அச்சுறுத்தலையடுத்து பொலிசாரிடம் முறைப்பாடு தெரிவித்துள்ளதுடன்
பொலிஸ் பாதுகாப்பு வழங்குமாறு பலமுறை கோரியும் இதுவரை பாதுகாப்பு
வழங்கவில்லை என அவர் கடும் கண்டனம் தெரிவித்துள்ளார்.

தனது உயிருக்கு ஏதாவது ஆபத்து நேர்ந்தால் பொலிசாரே பொறுப்பு என த.கலையரசன் தெரிவித்தார்.

இதேவேளை கிழக்கில் மாகாண சபைக்கு தெரிவு செய்யப்பட்ட தமிழ் தேசிய
கூட்டமைப்பு உறுப்பினர்களுக்கு இவ்வாறு அச்சுறுத்தல்கள் இடம்பெற்று வருவதாக
தமிழ் தேசிய கூட்டமைப்பு கடும் கண்டனம் தெரிவித்துள்ளமை
குறிப்பிடத்தக்கது.