நாகதேவன் துறை கடற்படை முகாம் எப்படி அழிக்கப் பட்டது..? மிக சுவாரஸ்யமான தகவல்கள்..

நாகதேவன் துறை கடற்படை முகாம்
*****************************************
எப்படி அழிக்கப் பட்டது..?
*******************************
மிக சுவாரஸ்யமான தகவல்கள்..
************************************
மு.வே.யோகேஸ்வரன்
*************************

பூனகேரி (தொண்ணூறுகளில் ) முகாமை புலிகள் தாக்கியபோது..நாகதேவன்துறை
என்னும் சிறிலங்காவின் கடற்படை முகாமை அழித்தால்தான் முடியும் என்னும் நிலை
இருந்தது..பூனகேரி முகாமுக்கும் ஆனைஇறவு முகாமுக்கும் இடையில் உள்ள கிளாலி
என்னும் பரவைகடல் பகுதியில் நாகதேவன்துறை இருந்தது..கடலின்மேல் ஒரு காகம்
இருந்தால் கூட நாகதேவந்துறையில் உள்ள சிங்களக் கடல்படை சுட்டுத்
தள்ளும்.அப்படி ஒரு நிலையில் அந்த கடற்படைத் தளத்தை எப்படி
கைப்பற்றமுடியும்..? தலைவர் அந்த பொறுப்பை கடற்புலிகளின் தளபதி சூசையிடம்
ஒப்படைத்தார்.அந்த நாகதேவந்துறையில் நிறைய கடல் படகுகளும் மிக பத்து நவீன
வாட்டர்ஜெட் என்று அழைக்கப் படும் அதிவேகத் தாக்குதல் படகுகளும்
உண்டு..அவற்றை கைபற்றினால்தான் கடல்புலிகளுக்கும் நன்மை உண்டு ..
பூனகேரி முகாமையும் எளிதில் கைபற்ற முடியும்.திட்டம் தயார்
ஆனது..கிளாலியின் மறுகரையில் இருந்து கடல் புலிகள் நகர்ந்து போகும்போதே
கடல்படை சுட்டு அவர்களை அழித்து விடுவார்கள்..என்ன செய்வது..?
வெட்டவெளிக்கடல் அது..திட்டம் மிக ரகசியமாகவே வைக்கப் பட்டது..ஆனால்
ஏற்கனவே கடலின் அடியில் பயிற்சி பெற்று சுழியோடும் கடல் புலிகளின் படையோடு
புதியவர்களும் சேர்த்துக்கொள்ளப்பட்டு சுமார் இருநூறு விசேட கடல் புலிகளின்
கொமாண்டோ படைபிரிவு தாயாராகிக் கொண்டு இருந்தது..எப்படியும் அந்த
முகாமை பிடிக்கவேண்டும் என்றே சூசை விரும்பினார்..அது அவருக்கு தலைவரால்
விடப்பட்ட ஒரு சவாலும் கூட..அப்போது நான் கடல்புலிகளின் அரசியல்
பொறுப்பாளராக இருந்தேன்..எனக்கும் தாக்குதல் திட்டத்தின் முழு விபரம்
தெரிவிக்கப் பட்டது..ஏன் தெரியுமா..?அங்கே கைப் பற்றப்படும் படகுகளைக்
கொண்டுவந்து கரையில் நிற்கும் டிராக்டர்களில்
ஏற்றிக் கொண்டுபோக நிறைய மனித வலு வேண்டும் அதற்கு பொது மக்களைத்தான் திரட்டிக் னோடு செல்லவேண்டும் திட்டம்
நடைமுறைப் படுத்த படுவதற்கு முன்பு அவர்களை கொண்டு போனால்.திட்டமே
........ பாழாகிவிடும் .ஆனால்..பூனகேரியினுள் புகுந்து தாக்கும் தரைபடப்
பிரிவுக்கு ..சில தளபதிகளை தவிர கடல்புலிகளின் திட்டம் வேறு யாருக்கும்
தெரிவிக்கப் படவில்லை..
இங்கேதான் உலகின் மிகச் சிறந்த கெரில்லா_ கொமாண்டோ தாக்குதல் திட்டம் அரங்கேறியது..
(எதிர் காலத்தில் இந்த தாக்குதல் பற்றிய ஒரு சினிமா படம்
எடுப்பதாயின்..அந்தப் படம் நீண்ட காலம் ஓடும் அப்படி ஒரு எண்ணம் இருந்தால்
என்னுடன் தொடர்பு கொள்ளவும் ..ஏன் தெரியுமா..? அப்படி ஒரு எண்ணம் எனக்கும்
உண்டு ஆனால் நிதி வசதி வேண்டுமே)

சுமார் இருநூறு கடல்புலிகள் (ஆண் பெண் உட்பட..) நீருக்கு அடியில் பிராண
வாயு சிலிண்டர்களை முதுகில் கட்டிவாறு..சுவாசித்தவாறு..ஒரு
சிறு கடல் அசைவும் வெளியில் தெரியாதவாறு நீருக்கு அடியில் சுழியோடிக்
கொண்டிருந்தனர் ..அவர்களின் முதுகுகளில் தானியங்கிகள் இருந்தன..பிராணவாயு
சிலிண்டர்களின் முடிவுக்காலம் இரண்டு மணிநேரம்தான் ..இரண்டு
மணிநேரத்துக்குள்.அவர்கள் ஆறு அல்லது ஏழு கடல் மைல் தூரத்தை ஒரு அசைவும்
இன்றிக் கடக்கவேண்டும்..ஆனால் கடந்து கொண்டிருந்தார்கள்.. நேரம் இரவு
பன்னிரண்டு மணிக்கு மேல் போய்க் கொண்டிருந்தது..நேற்று நான் எழுதிய
கட்டுரையின் நாயகி எனது உறவுக்காரப் பெண்..கப்டன் மகேஸ்வரியும் அதில்
ஒருவர்..தாக்குதலுக்கு தலைமை ஏற்று கடல் புலிப் போராளி ஒருவன் முன்னே
சுழியோடிக் கொண்டிருந்தான்..அவனது உயரமோ
ஆறடிக்குமேல் இருக்கும் ..கட்டான உடல் 'ராம்போவை'படங்களில் பார்த்தவர்கள் அதையே கற்பனை செய்து கொள்ளலாம்..அது

சினிமா..இதுவோ நிஜம்..அந்த படை அணி நாகதேவன்துறையை அடையுமுன்பே பிராண வாயு
சிலிண்டர்களும் முடியும் தருவாயில் இருந்தன..அனால் அவர்கள் அந்த முகாமை
அடைந்து விட்டார்கள்.தளபதி முன்னே சென்று தமது இலக்கு சரிதானா என்று
ஒருமுறை சரிபார்த்துக் கொண்டான்.எல்லாம் சரிதான்..அந்த கொமாண்டோ படை அணி
தூங்கிக் கொண்டிருந்த சிங்களக் கடல் படையின் முகாமுக்குள்..நீரின் அடியில்
இருந்து வெளிவந்து புலிப்பாய்ச்சல் பாய்ந்து தாக்கதொடங்கியது..சிலமிமிடங்களிலேயே
தாக்குதல் முடிவடைந்தது..ஐம்பது அறுபது என்று சிங்களக் கடற்படை சாவை தழுவ
ஏனையோர் உயிர்களைக் கையில் பிடித்தவாறு பூநகர் முகாமை நக்கி ஓடத்
தொடங்கினர் அதே நேரம் நாகதேவன் துறையில் தாக்குதல் ஆரம்பம் ஆனபோது பூனகேரி
முகாமினுள்ளும் புலிகளின் தரைப்படை புகுந்து தாக்குதல் நடாத்தத்
தொடங்கியது..அப்போதுதான் கடற்படையிடம் இருந்த பத்து வாட்டர் ஜெட் அதிவேகப்
படைகள் கடல்புலிகளின் கைகளுக்கு வந்தன..அதில் இரண்டு சண்டையில் சேதமாக
ஏனையவை அதி காலைக்குள் தமது முகாமுக்கு கொண்டுசென்றனர்..கடலில் இருந்து
அந்த சண்டைபடகுகளை பொது மக்களைக் கொண்டுவந்து கரையில் நின்ற டிராக்டர்களில்
ஏற்றினோம்.பொதுமக்களை அந்த அதிகாலைப் பொழுதில் லாரிகளில் கொண்டுவந்தேன்..
நாம் சரியாகவே செய்து முடித்தோம் இன்றுவரை பெரும்பாலானோருக்கு இந்த
அதிரடி நடவடிக்கையும் அதிசயிக்க வைக்கும் தாக்குதலும் தெரியாது..ராணுவ
ரகசியம் என்பதால் நாமும் பெரும்பாலும் வாய் திறக்காமலே இருந்தோம்
கடல்புலிகளின் பல உறுப்பினர்கள் சிறிலங்காவின் சிறையில் இருப்பதால்
கிண்டாமலா இருந்திருப்பார்கள்..?என்பதால் இங்கே வெளிப்படுத்துகிறேன்..அதுமட்டுமல்ல நாளை புலிகளின் அதி உன்னத தாக்குதல் ஒன்றின் சிறப்பு மக்களுக்கும் உலகத்துக்கும் தெரிய வேண்டுமே..அதுவும் மிக முக்கியம்..