"தொடரும் “டெசோ” நாடகம்! சோனியாஜியும் களத்தில் குதித்தார்!! சரியான போட்டி – உலகத் தமிழர்களே பார்த்து ரசியுங்கள்!!! ம.செந்தமிழ்"

"தொடரும் “டெசோ” நாடகம்! சோனியாஜியும் களத்தில் குதித்தார்!! சரியான போட்டி – உலகத் தமிழர்களே பார்த்து ரசியுங்கள்!!! ம.செந்தமிழ்"
ஈழத்தமிழர் ஆதரவாளர் கூட்டமைப்பின் (டெசோ) சார்பில் ஈழத்தமிழர்களது
வாழ்வுரிமையினை பாதுகாக்க எனக் கூறிக்கொண்டு தமிழினத் துரோகி கருணாநிதி
வரும் 12ம் திகதி ஞாயிற்றுக் கிழமை சென்னையில் நடாத்த உள்ள மாநாட்டை உலகத்
தமிழர்கள் புறக்கணிக்க வேண்டும்
[You must be registered and logged in to see this image.]
என ஈழதேசம் இணையம் வேண்டுகோள் விடுத்திருந்த நிலையில் இன்று சோனியாகாந்தியும் அந்த நாடகத்தில் இணைந்து பரபரப்பை ஏற்படுத்தியுள்ளார்.

டெசோ மாநாட்டில் ஈழம் என்ற வார்த்தையைப் பயன்படுத்தக் கூடாது என்று மத்திய
அரசு டெசோ மாநாட்டு அமைப்பாளர்களிற்கு கடிதம் மூலம் தெரிவித்துள்ளது.
அதில் ஈழம் என்ற வார்த்தையை நீக்கினால்தான் இந்திய வெளியுறவுத்துறைச்
செயலகம் அனுமதியை வழங்கும் எனவும் மேலும் தெரிவித்துள்ளது. தமிழின
அழிப்பின் ஆணிவேரான சோனியா காந்தியின் நிலைப்பாடே எனது நிலைப்பாடு என கூறிய
கருணாநிதி என்ன செய்யப்பபோகின்றார்?

ஈழம் என்ற வார்த்தையை
கருணாநிதி மறைத்தபோது பொங்கியெழாத திருமாவளவன் இன்று சோனியா ஈழம் என்ற
வார்த்தையை பயன்படுத்த தடைவிதித்தவுடன் பொங்கியெழுந்து மீசையை முறுக்கிக்
கொண்டு நிற்கின்றார்(மியாவ்வ்வ்…). ஈழம் என்ற வார்த்தையை பயன்படுத்த தடைவிதித்த இந்திய அரசை கண்டித்துள்ள திருமா உத்தரவை திரும்பப் பெறவலியுறுத்தியுள்ளார்.

கருணாநிதி நடத்தும் நாடகத்தில் தானும் ஒரு பாத்திரமேற்றுள்ள திருமா இன்று
பொங்கியெழுகின்றது எந்தவித்தில் நியாயம்? தமிழினத்தின் அழிவிற்கு இந்திய
அரசின் சார்பில் சிறிலங்காவுடன் நேரடித் தொடர்பு கொண்டு நிமிடத்திற்கு
நிமிடம் தகவல்களை பரிமாறிய பிரணாப் முகர்சி ஜனாதிபதி வேட்பாளராக
அறிவிக்கப்பட்டது முதல் வெற்றிபெற்றதுவரை நிழலாக நின்ற திருமா இன்று
கோபாவேசப்படுவது நாடகத்தன்மையை வெளிப்படுத்துகின்றது
கொ(க)லைஞர்
கருணாநிதியின் டெசோ மாநாட்டு நாடகத்தில் சோனியாஜியும் பங்கேற்றுள்ள
நிலையில் பரபரப்பான காட்சிகள் அரங்கேறிவருகின்றது. திருமாவளவன்
கண்டிக்கின்றார். பாரதிய ஜனதா கட்சியின் தமிழகத் தலைவர்களில் ஒருவரான
எச்.ராசா கருணாநிதி முதுகெலும்புள்ளவர் என்பதை நிரூபித்து காங்கிரசு
கூட்டணியில் இருந்து வெளியேற வேண்டும் என கருத்துத் தெரிவித்துள்ளார்.
கருணாநிதிக்கு முதுகெலும்பு இல்லை என்பது பாவம் எச்.ராசாவுக்குத் தெரியாது
போல!

நான் அடிக்கிற மாதிரி அடிக்கிறன் நீ அழுகிற மாதிரி அழு என
இந்த விடையத்தில் சோனியா காய்நகர்த்தியுள்ளாரா இல்லை உலகமகா ஊழலான இரண்டாம்
தலைமுறை அலைக்கற்றை ஒதுக்கீட்டு ஊழல்விவகாரத்தால் ஏற்பட்டிருக்கும்
மனக்கசப்பினை சாக்காக வைத்து தி.மு.க.வை கூட்டணியில் இருந்து விலக்குவதற்கு
திட்டமிட்டுள்ளாரா என்பதை அடுத்து நிகழவிருக்கும் காட்சிகள்
தெளிவுபடுத்தும்.

“தமிழின அழிப்பின் ஆணிவேர்” சோனியாகாந்திக்கு
உடன்பாடில்லாத ஈழம் என்ற கோசத்தை கையிலெடுத்து நாடகத்தை ஆரம்பித்த
கருணாநிதியே சோனியா எப்படியும் தடைவிதிப்பார் அதனைப் பயன்படுத்தி
கூட்டணியில் இருந்து வெளியேறி தன் மீது விழுந்துள்ள தமிழினத்தை அழிக்கும்
போது வேடிக்கை பார்த்த பழியில் இருந்து தப்பித்து தமிழினத் தலைவர் என்ற
கோதாவில் 2014 நாடாளுமன்றத் தேர்தலை சந்திக்க திட்டமிட்டே
ஆரம்பித்திருக்கலாம்.

தி.மு.க. காங்கிரசு கூட்டணியில் இருந்து
வெளியேறப் போகின்றதா இல்லை காங்கிரசு கட்சி தி.மு.க.வை கூட்டணியில் இருந்து
வெளியேற்றப் போகின்றதா என்பதை தீர்மானிக்கும் நிலைக்கு இந்த டெசோ மாநாடு
கொண்டுவந்து நிறுத்தியுள்ளது. இதில் ஏதாவது ஒன்று நடந்தால் கருணாநிதியே
வெற்றி பெற்றவராவார்.

முப்பது வருடங்களிற்கு முன்னர் மூட்டைகட்டி
தூக்கிப் போட்ட விடையத்தை தூசு தட்டி எடுத்துப் பயன்படுத்த நினைத்த
கருணாநிதி உண்மையில் அரசியல் சாணக்கியன் என்பதை இந்த பரபரப்பான சூழ்நிலை
உணர்த்தியுள்ளது.
கருணாநிதி தனது சாணக்கியத்தனத்தை தனது
சுயலாபத்திற்காக மட்டுமே பயன்படுத்தி வந்துள்ளார். இனம் அழியும் போது
கடிதங்களை எழுதியும் தந்திகளை அனுப்பியும் மனிதசங்கசிலி நடத்தியும்
தன்னையும் ஏமாற்றி உலகத்தையும் ஏமாற்றிய கருணாநிதி பிள்ளைகளிற்கும்
பேரனிற்கும் விரும்பிய மந்திரிப்பதவியை பெறுவதற்கு டெல்லியை மிரட்டி இந்திய
அரசியலையே திரும்பிப்பார்க்க வைத்ததை வேறு என்னவென்று சொல்வது?


இனமான உணர்வு மேலீட்டால் அக்கினிச்சுவாலைகளை மேனிபடர விட்ட
நெருப்புத்தமிழர்களது தியாகத்தை குடும்பத்தகராறு காதல் தோல்வி என காரணங்களை
காவல்துறை மூலமாக தெரிவித்து கொச்சைப்படுத்தியும் ஈழம் என்ற வார்த்தையை
தமிழகத்தில் யாரும் உச்சரிக்க முடியாதவாறு அடக்குமுறையாட்சியை நடாத்தியும்
சிங்கள கொலைவெறிப்படைகளால் கொன்று குவிக்கப்பட்டுக் கொண்டிருந்த
ஈழத்தமிழர்களிற்காகவும் தமிழக மீனவர்களிற்காகவும் ஆதரவுக் குரலெழுப்பி
தமிழகத்தில் புரட்சிப் போர் நடாத்திக் கொண்டிருந்த செந்தமிழன் சீமானை
பலமுறை சிறையிலடைத்து திருப்தியடையாமல் இறுதியில் தேசிய பாதுகாப்புச்
சட்டத்தில் கைது செய்து கொடுங்கோல் ஆட்சி நடத்தியும் அரசாளும் காலத்தில்
இனமானக் கடமையினை செய்த கருணாநிதி இன்று போறகாலத்தில் சுயலாபத்திற்காக
ஈழவிடையத்தை கையிலெடுத்துள்ளார்.

தமிழக அரசும் தன் பங்கிற்கு டெசோ
மாநாட்டிற்கு தடைவிதித்துள்ளது. சென்னை மாநகரில் மேற்கொள்ளப்பட்டடுவரும்
மெட்ரோ புகையிரத வேலைகளால் ஏற்கனவே போக்குவரத்து நெரிசல் ஏற்பட்டுள்ள
நிலையில் டெசோ மாநாட்டிற்கு அதிகளவானவர்கள் வரும்போது இன்னும் போக்குவரத்து
நெருக்கடி ஏற்படும் என்ற காரணத்தைக் காட்டி தமிழக அரசு மாநாட்டை
சென்னையில் நடாத்த தடைவிதித்துள்ளது.

எசமானியம்மா எதிராளி என
எல்லாப்பக்கத்தில் இருந்தும் எதிர்ப்புகளும் தடைகளும் வந்து
கொண்டிருக்கையில் திட்டமிடப்பட்ட வகையில் டெசோ மாநாடு நடைபெறும் என டெசோ
அமைப்பாளர்கள் அறிவித்துள்ளார்கள்
இன்றை நிலையில் மாநாட்டிற்கு வருவதாக
தி.மு.க. பிரச்சாரம் செய்துவரும் தமிழ்த் தேசியக் கூட்டமைப்பைச் சேர்ந்த
எவரும் பங்கேற்கப் போவதில்லை என முடிவெடுத்துள்ளதாக அறியமுடிகின்றது. மரண
வலியின் மூலம் பட்டுப்பழுத்த உலகத் தமிழர்கள் கருணாநிதியின் நாடகத்தை
துளியளவும் நம்பத்தயாராக இல்லை என்றபோதும் சில அரசியல் தலைவர்கள்
நப்பாசையில் மாநாட்டிற்கு செல்ல இருப்பதாக இருந்த நிலையில் அந்த கனவிலும்
மண்விழுந்துள்ளது.

திட்டமிட்டவாறு உருவாக்கப்பட்ட தடைகளை தாண்டி
தன்னை தமிழினத்தின் தலைவனாக காண்பிப்பதற்கு கருணாநிதி எந்த எல்லைவரை
போகக்கூடியவர். அதனால் மாநாட்டை நடத்தினாலும் ஆச்சரியப்படுவதற்கில்லை.
உலகத்தமிழர்களால் அநாதையாக கைவிடப்பட்டதை பறைசாற்றுவதற்கு தானே மாநாடு
போட்டதாகவே முடியப்போகின்றது.

அழிவின் சுவடுகளை தாங்கி ரணத்துடன்
வாழ்ந்து கொண்டிருக்கும் உலகத் தமிழர்களை சிரித்து மகிழ்விக்க இலவசமாக
கருணாநிதி ஏற்பாடு செய்துள்ள நாடகம் இனிதே ஆரம்பித்துள்ளது பார்த்து
ரசியுங்கள்… சிரியுங்கள்… கவலைகளை மறப்போம். கயவர்களை மனதில் நிறுத்துவோம்.

“தமிழரின் தாகம் தமிழீழத் தாயகம்”