இலங்கைக்கு எதிரான அமெரிக்க தீர்மானம் நிறைவேறியது!

by **Admin** Thu Mar 21, 2013 6:32 pm

ஜெனிவா: ஐ.நா மனித உரிமைகள் சபையில்
இலங்கைக்கு எதிராக அமெரிக்கா கொண்டு வந்து தீர்மானத்தில் இந்தியா 2 முக்கிய
திருத்தங்கள் செய்த நிலையில், அதன் மீதான விவாதத்தை தொடர்ந்து நடைபெற்ற
வாக்கெடுப்பில், இந்தியா ஆதரவுடன் தீர்மானம் வெற்றி பெற்றது.
தீர்மானத்திற்கு ஆதரவாக 25 வாக்குகளும், எதிராக 13 வாக்குகளும் பதிவானது. 8 நாடுகள் வாக்கெடுப்பில் கலந்துகொள்ளாமல் புறக்கணித்தன.

இலங்கைக்கு எதிரான அமெரிக்க தீர்மானம் வலுவானதாக இல்லை
என்று தமிழக அரசியல் கட்சிகள் குற்றம் சாட்டிவருவதுடன், தீர்மானத்தை
திருத்துமாறு கோரி போராட்டங்களையும் மேற்கொண்டு வருகின்றன. இதற்காக
தி.மு.க.வும் மத்திய அமைச்சரவையில் இருந்து வெளியேறியது.

ஆனால் இந்தியா 2 முக்கிய திருத்தங்கள் செய்து வலுவான தீர்மானம்
நிறைவேற்றப்படும் என்று மத்திய அமைச்சர் ப.சிதம்பரம் தெரிவித்திருந்தார்.

இந்நிலையில் இதற்கான நடவடிக்கையின் ஒரு பகுதியாக, ஜெனீவாவில் உள்ள இந்திய
பிரதிநிதி திலிப்சின்கா நேற்று முன் தினம் இரவு அவசரமாக டெல்லி
வரவழைக்கப்பட்டார். அவரிடம் அமெரிக்க தீர்மானத்தில் 2 முக்கிய திருத்தங்கள்
செய்வது தொடர்பாக ஆலோசனைகள் வழங்கப்பட்டன.

முன்னதாக பிரதமர் மன்மோகன்சிங், தேசிய பாதுகாப்பு ஆலோசகர் சிவசங்கர்மேனன்,
வெளியுறவு துறை செயலாளர் ரஞ்சன் மத்தாய் மற்றும் உயர் அதிகாரிகளுடன் ஆலோசனை
நடத்தினார். இதில் ஜெனீவா பிரதிநிதி திலிப்சின்காவும் கலந்து கொண்டார்.

அமெரிக்க தீர்மானத்தில் 2 முக்கிய திருத்தங்கள் செய்து வலுவானதாக நிறைவேற்ற
தேவையான நடவடிக்கைகளை மேற்கொள்ள முடிவு செய்யப்பட்டது. திருத்தம்
செய்யப்பட்ட தீர்மானத்துடன் இந்திய பிரதிநிதி திலிப்சின்கா நேற்று இரவே
ஜெனீவா புறப்பட்டுச் சென்றார்.

இன்று அவர் அமெரிக்க தீர்மானத்தில் 2 முக்கிய திருத்தங்களை முன்
மொழிந்தார். ஏற்கனவே தீர்மானம் தாக்கல் செய்யப்பட்டாலும் அதில்
செய்யப்படும் திருத்தம் தங்கள் வாய் மொழியாக ஏற்றுக் கொள்ளப்பட்டு,
தீர்மானத்தின் மீது விவாதம் நடைபெற்றது.
அதனைத் தொடர்ந்து நடைபெற்ற வாக்கெடுப்பில் 25
வாக்குகளுடன் தீர்மானம் நிறைவேறியது.இத்தீர்மானத்திற்கு எதிராக 13
வாக்குகள் பதிவானது. 8 நாடுகள் வாக்கெடுப்பில் கலந்துகொள்ளாமல்
புறக்கணித்தன.

இந்தியா சொன்ன திருத்தம் என்ன?

அமெரிக்கா கொண்டு வந்த தீர்மானத்தில், இலங்கை
நிகழ்வுகள் பற்றி சுயேச்சையான நம்பகத்தனமான விசாரணை நடத்த வேண்டும் என்று
இந்தியா வலியுறுத்தியுள்ளது.

மேலும் தமிழருக்கு அரசியல் உரிமை தர ஆக்கபூர்வ
நடவடிக்கை இலங்கை எடுக்க வேண்டும் என்றும் இந்தியா வலியுறுத்தியுள்ளது.
அத்துடன் இலங்கை சம்பவங்கள் குறித்து இந்தியா பொருட்படுத்தாமல் இருக்க
முடியாது என்றும் அந்த திருத்தத்தில் கூறபட்டுள்ளது

பாகிஸ்தான் எதிர்ப்பு

முன்னதாக விவாதத்தின்போது இலங்கைக்கு எதிரான தீர்மானத்திற்கு பாகிஸ்தான் எதிர்ப்பு தெரிவித்தது.
-VIKADAN_