"இருபத்துஇரண்டு நாட்களை எட்டுகிறது சிவந்தனின் உண்ணாநிலைப் போராட்டம் - நாளை மாபெரும் கவனயீர்ப்பு"

by **Admin** Sun Aug 12, 2012 9:06 am

"இருபத்துஇரண்டு நாட்களை எட்டுகிறது சிவந்தனின் உண்ணாநிலைப் போராட்டம் - நாளை மாபெரும் கவனயீர்ப்பு"
சிவந்தன் கோபி அவர்களது உண்ணாநிலைப் போராட்டம் இன்று இருபத்தியொரு நாட்களை
கடந்துள்ள நிலையில் அவருக்கு ஆதரவு தெரிவிக்க பிரான்சிலிருந்து வந்த
பன்னிரண்டு தமிழர்கள் அவருடன் இன்றைய நாளைக் கழித்தனர்.
[You must be registered and logged in to see this image.]

தமிழ்த் தோழமை இயக்கத் தொண்டர்கள் பலரும் திரு. சிவந்தனது உண்ணாநிலைப்
போராட்டம் நடைபெறும் இடத்தின் சுற்று வட்டாரத்தில் துண்டுப்பிரசுரங்களை
விநியோகிகத்தனர், பெருமளவிலான பன்னாட்டு மக்கள் அவற்றை பெற்றுச்
சென்றதுடன், உண்ணாநிலைப்போரட்டத்திற்கான காரணங்களைக் கேட்டறிந்து கொண்டனர்.

ஒலிம்பிக் போட்டிகளின்
இறுதிநாளான நாளை ஞாயிற்றுக்கிழமை மாலை சிவந்தன் தனது உண்ணாநிலைப்
போராட்டத்தை நிறைவு செய்யவிருக்கிறார். நாளை காலையிலிருந்து சிவந்தன்
அமர்ந்துள்ள ஸ்ரற்போர்ட் இலகு தொடருந்து நிலைய அருகாமையில் (Stratford High
Street DLR, London E15 2SP) மக்கள் கூடவிருக்கிறார்கள். மாலை 5.30
மணிக்கு உண்ணாநிலைப் போராட்டத்தை நிறைவு செய்வதுடன், அவ்விடத்திலிருந்து
வெளியேறி, ஆரம்பநாள் நிகழ்ச்சியின்போது கவனயீர்ப்பு ஆர்ப்பாட்டம் நடைபெற்ற
இடத்தில் Aspen Way, London E14 5ST (Billingsgate மீன் அங்காடிக்கு
எதிரில்) மாலை 6 மணி தொடக்கம் 8 மணி வரை கவனயீர்ப்புப் போராட்டத்தை நடாத்த
ஏற்பாடு செய்யப்பட்டுள்ளது. லணடன் மாநகரக் காவல்துறையிடமிருந்து அதற்கான
அனுமதியினை தமிழர் ஒருங்கிணைப்புக் குழு பெற்றுள்ளது.

இறுதிநாள்
போராட்டங்களில் கலந்துகொள்வதற்காக ஐரோப்பிய நாடுகளிலிருந்து பேருந்துகள்
மூலமும் வாகனங்கள் மூலமும் வருவதற்கான ஏற்பாடுகள் அந்தந்த நாடுகளின் தமிழர்
ஒருங்கிணைப்பு குழுக்கள் மூலம் செய்யப்பட்டுள்ளன.

இப்போராட்டத்தினை வெற்றிப்பெறச் செய்யவதற்காக மக்களை திரளாக வந்து கலந்து
கொள்ளுமாறு தமிழர் ஒருங்கிணைப்பு குழு –பிரித்தானியா வேண்டுகோள்
விடுக்கிறது.