வரலாற்று குறிப்பு .....

by **Admin** Thu Aug 09, 2012 11:21 pm

உடனே சென்னைக்குச் செல்லவும்.
[You must be registered and logged in to see this image.]

யாழ்பாணத்திலிருந்து அந்த ஒரு வரி உத்தரவு லண்டனில் இருந்த அண்டன்
பாலசிங்கத்துக்குச் சென்ற போது அவருக்கு ஒன்றும் புரியவில்லை. அண்டன்
தலைவர் பிரபாகரன் அவர்களுக்கு அறிமுகமாகி வெகுகாலம் ஆகியிருக்கவில்லை.
படித்தவர், யோசிக்கத் தெரிந்தவர், அரசியல் தெரிந்த அளவுக்குத் தத்துவம்
அறிந்தவர். மார்க்சியம் புரிந்த அளவுக்குத் மனித மன ஆழங்களையும் புரிந்து
கொள்ளக் கூடியவர்.இயக்கத்துக்கு சித்தாந்த ரீதியில் ஒரு வலுவான
அஸ்திவாரத்தை அமைத்துக்கொடுக்க வல்லவர். அதே சமயம் அரசியல் ரீதியில்
இயக்கம் முன்னெடுக்கக் கூடிய நடவடிக்கைகளை ஒழுங்கு படுத்த வல்லவர் என்று
தலைவர் பிரபாகரன், அண்டன் பாலசிங்கம் பற்றி மதிப்பிட்டிருந்தார். அண்டன்
பாலசிங்கம் அவர்களுக்கு கொடுக்கப்பட்ட வேலை உமா மகேஸ்வரன் - ஊர்மிளா காதல்
விவகாரத்தை தீர்த்து வைத்து திருமணம் செய்து வைப்பது. ஆனால் உமா மகேஸ்வரன்
எதற்கும் உடன்படவில்லை. இந்த உமா மகேஸ்வரன் தான் பின்னாளில் பிளாட் எனும்
இயக்கம் கண்டு இந்திய 'ரா' உளவுத் துறைக்கும், இலங்கை அரசுக்கும்
எடுபிடியானார், இப்போதிருக்கும் கருணா போல. இந்த உமா மகேஸ்வரனின் பிளாட்
ஆட்கள் தான் 'ரா' உளவுத்துறையின் ஆலோசனையின் பேரில் மாலத்தீவை பிடித்தனர்.
'ரா' உளவுத் துறையின் காரியம் முடிந்தவுடன் அனைத்து பிளாட் இயக்க
போராளிகளும் இந்திய கடற்படையால் படுகொலை செய்யப்பட்டனர் என்பது வேறு
விசயம். 'ரா' உளவுத் துறையின் திருவிளையாடல்களில் இதுவும் ஓன்று.