டென்மார்க் நாடாளுமன்றத்தில் நடைபெறும் மாநாட்டில் நாடுகடந்த தமிழீழ அரசின் பிரதிநிதி சிறப்புரையாற்றுகின்றார்.

தற்போதய டென்மார்க் அரசின் முதன்மை கட்சியான சமுக சனநாயக கட்சி நாடாளுமன்ற உறுப்பினர் Troels Ravn அவர்களுடைய ஏற்பாட்டில் நாளை டென்மார்க் நாடாளுமன்றத்தில் நடைபெறும் மாநாட்டில் சிறப்புரையாற்றுவதற்காக நாடுகடந்த அரசின் பிரதிநிதியும் அழைக்கப்பட்டுள்ளார்.



நாளை நடைபெறும் மாநாட்டில் கலந்துகொள்வதர்காக நாடுகடந்த தமிழீழ அரசின் வெளியுறவுத்துறை அமைச்சின் ஆலோசகர் டேவிட் சுந்தா அவர்கள் இன்று டென்மார்க் வந்து சேர்ந்துள்ளார்.



புலம்பெயர் தமிழ் மக்களால் சனநாயக விழுமியங்களுக்கு ஏற்ப்ப தெரிவு செய்யப்பட்ட மக்கள் பிரதிநிதிகளை கொண்டு செயல்படும் நாடுகடந்த தமிழீழ அரசின் பிரதிநிதி ஒருவர் டென்மார்க் அரச கட்சி நாடாளுமன்றஉறுப்பினரால் ஏற்பாடு செய்யப்பட்ட கலந்துரையாடலில் சிறப்புரையாற்ற அழைக்கப்பட்டமையானது தமிழ் மக்களின் சனநாயக செயல்பாட்டுக்கு கிடையத்த சிறப்பாகும்.



நாடு கடந்த தமிழீழ அரசின் பிரதிநிதி இந்த மாநாட்டில் சிறப்புரையாற்றுவதை தடுப்பதற்காக சிறிலங்கா அரசு முயன்றதாகவும் தகவல் வெளியாகியுள்ளது.



இலங்கைத்தீவில் நடைபெறும் மனிதவுரிமை மீறல்கள் தொடர்பான இந்த மாநாடு, டென்மார்க் சமூக சனநாய கட்சியில் இணைந்து செயல்படும் தமிழ் உறவுகளின் வேண்டுகோளுக்கு அமைய அந்த கட்சியின் நாடாளுமன்ற உறுப்பினர்கள் Troels Ravn மற்றும் Mogens Jensen ஆகியோரால் ஏற்பாடுசெய்யப்பட்டுள்ளது.



நாடுகடந்த தமிழீழ அரசின் பிரதிநதியுடன் டென்மார்க்கின் முன்னாள் வெளியுறவுத்துறை அமைச்சர்களும், ஆய்வாளர்களும் மற்றும் தாயகத்தில் இருந்து கஜேந்திரகுமார் பொன்னம்பலம் அவர்களும் இந்த மாநாட்டில் உரையாற்றவுள்ளனர்.



[You must be registered and logged in to see this link.]